Во периодот од 27.03 до 01.04 ученици и професори од Регионален центар за стручно образование и обука „Моша Пијаде“ – Тетово, ја претставуваа Македонија во рамки на Еразмус плус проектот „Од мисли до кодови“ („From Thoughts To Codes“) кој беше одржан во Решица – Романија.
Покрај од Македонија и Романија учествувале претставници на повеќе земји Грција, Португалија, Италија и Турција и секоја држава се претставувала со своите роботи кои ги имале направено учениците заедно со професорите.
-Нашите ученици изработија робот-автомобил, кој го нарекоа „автомобилот на иднината“ и секој си имаше своја приказна за тоа како автомобилот му помогнал на поединецот или групата да стигне до крајот на своите зацртани цели. За време на проектот сите ги презентираа нивните роботи и кажаа по неколку збора за идејата, процесот и финалниот производ на автомобилот од иднината. Активностите се одржуваа во училиштето „Мирчеа Елиаде“ каде што беа срдечно дочекани од домаќините, информираа од училиштето „Моша Пијаде“.
За време на престојот во Романија тетовските ученици имале две посети на различни дестинации.
-Имавме посета во замокот на Дракула кој се наоѓаше во градот Хунедоара. Учениците се запознаа со историјата и со приказната на замокот која им ги раскажаа координаторите од Романија. Ден подоцна имавме посета во градот Темишвар, каде што ги видоа градбите и знаменитостите на еден од градовите со најголема историја во Европа. На овој проект учениците се запознаа со учесниците од другите земји, разменија мислења и идеи за своите роботи. Им помогна да си ги надополнат знаењата и да им се продолжи љубовта или уште повеќе да се засили, кон кодирањето и креаирањето на роботи, информираа од „Моша Пијаде“.
На последниот ден од престојот во Романија учениците го посетиле факултетот во Решица каде што студентите учат и прават роботи. При тоа им било објаснето како и на кој принцип работи нивниот последен робот, намената и употребата.
ас
