И на 56 години тетовскиот атлетичар Адем Селмани годинава продолжува да трча на маратони. Викендов беше во соседна Србија каде во Крушевац трчаше на полумаратонската трка на 21 километар.
-И годинава продолжувам со натпреварувања и покрај сите потешкотии. Почнав со овој полумаратон во Крушевац, наредно е Београдски маратон на 22 април. Во мај ќе трчам на „Скопје трча“ како и во Струга на трка од 10 километри, најави тетовскиот атлетичар.
До пред неколку години редовно трчал на маратоните од по 42 километри, а во младоста и на ултрамаратони до 100 километри како и планинско маратонско трчање. Сега се ограничува на полумаратонските трки на 5, 10 и 21 километар.