СВР Тетово информира дека оваа недела започнаа практичните активности од превентивно-едукативниот проект „Стоп на говорот на омраза“ во средните училишта во градот. Почнати се предавањата во Гимназијата и медицинското училиште, а наредниве денови се планирани и во другите училишта.
-Стручно обучените полициски службеници на учениците од втора година кои следат настава на македонски, албански и турски јазик, им презентираат сознанија – што пртставува говорот на омраза, како да се препознае и превенира, не само на училиште, туку и во другите области од животот на младите, на социјалните мрежи, во кафулињата и дисокотеките и слично. Учениците, исто така, се информираат и едуцираат како да ги надминат предрасудите и стереотипите кои најчесто предизвикуваат говор на омраза, нетолеранција и дискриминација, информира Марјан Јосифоски, портпарол на СВР Тетово.
Носител на проектот е Отсекот за превенција на СВР Тетово во соработка со ОБСЕ и ќе трае до крајот на овој месец.
