Судија во претходна постапка на Основниот суд Тетово денеска му определил мерка притвор од 30 дена на 47 годишникот кој вчера беше приведен откако полицијата му најде мини лабораторија и кокаин во неговиот дом во Слатино, дознаваме од СВР Тетово.
-При претрес извршен со судска наредба вчера во неговиот дом во Слатино беше пронајден кокаин и мини лабораторија во која се подготвувал кокаинот за продажба, 3 дигитални ваги, друга прашкаста материја и рамка со 8 куршуми пиштолска муниција калибар 7, 62 милиметри, по што Џ.Н. беше лишен од слобода и задржан во Полициската станица Тетово за документирање на случајот, а потоа му беа изготвени поднесоци по членовите 215 и 396 од Кривичниот законик, потенцираат од тетовската полиција.
По изрекување на мерката притвор тој е сприведен во Казнено-поправната установа Затвор Скопје за издржување.
ас
