Петтоодделенецот Александар Ќироски од ООУ „Гоце Делчев“ Тетово доби прва награда на литературниот конкурс на Народна банка на Македонија на тема „За денарот твориме-за денарот славиме-30 години од воведувањето на македонскиот денар“
-Нашиот ученик Александар Ќироски од V-3 одделение под менторство на одделенскиот наставник Соња Трифуновска освои прва награда за најдобра литературна творба и парична награда во категоријата на литературни творби од прво до петто одделение. Честитки за сите наградени и уште многу успеси за нашиот ученик, информираше ООУ „Гоце Делчев“.
-Александар со неговата наградена песна на конкурсот на Народна банка на Македонија ни го разубави Светскиот ден на штедењето. Драго дете, уште многу песни да пишуваш, на уште поголеми успеси да се радуваш, изјави наставничката Соња Трифуновска.
Народна банка на Македонија информираше дека на конкурсот за учениците од основното образование на тема „За денарот твориме, за денарот славиме: 30 години од воведувањето на македонскиот денар!“ пристигнале вкупно 771 ученички труд, од кои 130 се литературни творби – песни, 128 литературни творби – раскази и 513 ликовни творби – цртежи.
Од Тетово, покрај Александар, трета награда во категоријата литературни творби ‒ раскази од 6. до 9. одделение доби Исмаил Шасивари, IX-3 одд од ООУ „Перпарими“ – Голема Речица, под менторство на предметниот наставник Емине Муареми.