Пратеникот на ВМРО ДПМНЕ Александар Велјановски со реакција за случувањата и обидот на Министерството за култура да ја пресели библиотеката „Кочо Рацин“ во други простории во рамки на Центарот за култура.
-Министерке Бисера Костадиновска Стојчевска остави ја библиотеката „Кочо Рацин“ на мир. Ако толку ви се потребни простории ви предлагам да ги доделите просториите кои со години се узурпирани од страна на вашата Општинска организација на СДС во центарот на Тетово. Жртва не смее да биде библиотеката „Кочо Рацин“ во Тетово од која стотици деца и возрасни користат литература. Библиотеката во Тетово и онака кубури со просторни услови и услови за користење на библиотечниот фонд но со новата одлука на Владата барате да се пресели во уште полоши и нехумани услови. Скандалозно е тоа што министерката за култура воопшто не води сметка за реалните потреби на библиотеката „Кочо Рацин“ во Тетово и ладнокрвно аминува одлука за нејзино преселување. Апелирам да се изнајде соодветно решение за просториите на библиотеката „Кочо Рацин“ во Тетово затоа што читателите, а особено децата не заслужуваат да им биде отежнат пристапот до книгите, порача Александар Велјановски