Велосипедскиот клуб Феникс сајклинг тим – Тетово во недела 17 септември организира трка од градот до скијачкиот центар Попова Шапка насловена „Шар куп 2023“. Ова е прва ваква трка која ја организира клубот, инаку формиран во 2021 година.
-Почетокот на трката до Попова Шапка во недела е закажан за во 10 часот од пред Центарот за култура во Тетово. Пријавувањето е на интернет страницата на клубот, за професионално ниво како и за категорија хоби. Броевите ќе може да се подигнат во недела пред трката во периодот од 08:30 до 09:30 часот на стартната позиција, информираат од клубот.
Минатата 2022 година велосипедскиот клуб Феникс од Тетово во ноември организираше велосипедска трка низ градот. Тоа беше кружна трка од плоштадот до излезот кон Скопје и назад.
ас
