Соопштение на СВР Тетово 5 мај 2024
На 04.05.2024 година околу 19.30 часот полициски службеници од СВР Тетово – Полициско одделение Групчин, во тетовско Церово ги лишиле од слобода К.З.(62), Х.А.(33), Р.А.(27) и М.А.(62), сите од Церово. Според пријавеното, по кратка вербална расправија помеѓу К.З. и Х.А. во угостителски објект во селото, К.З. со огнено оружје испукал неколку куршуми, но бил спречен од присутните, а оружјето му било одземено. Повредени лица нема, а приведените се задржани во полициска станица и се работи на расчистување не случајот, по што ќе биде изготвен соодветен поднесок.
……
На 04.05.2024 година околу 14.50 часот полициски службеници од ОВР Гостивар го лишиле од слобода И.М.(24) од гостиварско Чегране кој бил пријавен од неговата сопруга дека физички ја нападнал. Тој е задржан во полициска станица и по документирање на случајот против него ќе биде изготвен соодветен поднесок.
…….
На 04.05.2024 во 09.15 часот во ОВР Гостивар било пријавено дека во Ургентен центар Гостивар бил донесен повреден Н.М. од гостиварско Здуње. Според пријавеното тој се здобил со тешки телесни повреди при вршење на градежни работи во с.Чајле. Се преземаат мерки за расчистување на случајот.
…..
На 04.05.2024 година во 17.20 часот во СВР Тетово, Ќ.Б.(52) од Тетово пријавил дека претходниот ден во населба „Поток“ неговиот малолетен син бил физички нападнат од М.„Н“. од Тетово. Се преземаат мерки за расчистување на случајот.
…..
На 04.05.2024 година во 18.05 часот во СВР Тетово, С.М. од Тетово пријавил дека во неговиот дом соседот Н.М. агресивно се однесувал спрема членовите од семејството, им се заканувал, а се обидел и физички да ги нападне. Се преземат мерки за расчистување на случајот.
…..
На 05.05.2024 година полициски службеници од СВР Тетово ги привеле Б.М.(43) од Челопек и П.Д.(26) од Тетово кои го нарушиле јавниот ред и мир со агресивно однесување и обид физички да се пресметаат. Тие се задржани во полициска станица и против нив ќе следува соодветен поднесок.
…..