Црковниот одбор при црквата посветена на Света Богородица во Сетоле за утре подготвува црквно-народен собир по повод празникот Рождество на Пресвета Богородица или Мала Богородица.
Црковната богослужба ќе започне во 11 часот и 30 минути, по што следува и празничен ручек за присутните верници.
Рождество на Пресвета Богородица или Мала Богородица е еден од 12 големи празници во православието.
Голем број семејства ги посетуваат црквите за молитви и за благословување на славските лебови, виното и пченицата или пак за кревање на пресвета (панагија) по повод именден или за здравје по одреден повод.
Православните храмови во тетовско посветени на Света Богородица од кои дел и одбележуваат црковна слава се црквите во Беловиште, Сараќино, Сетоле и Тетово.
Богородица е родена во Назарет од стари и бездетни родители, благочестиви Јоаким и Ана како одговор на нивните молитви. Се слави на 8 септември според јулијанскиот календар или на 21 септември според грегоријанскиот календар.