Во текот на сите 12 месеци на 2022 година СВР Тетово бележи вкупно 6373 изречени мерки за возачи поради непрописно паркирани возила. Статистичките податоци на тетовската полиција покажуваат дека во текот на 2022 година од вкупнот број преземени мерки за непрописно паркирање 4432 возила биле подигнати од ткн. пајак служба.
-Минатата 2022 година на поширокото тетовско подрачје вкупниот број мерки кои се однесувале на непрописно паркирање изнесувал 6373. Најголемиот број од ланските мерки биле изречени во декември (822), ноември (772), октомври (711) и јули (691). Прекршителите ги очекуваат парични глоби кои, зависно од прекршокот, се движат од 45 до 180 евра во денарска противвредност, информира портпаролот на СВР Тетово, Марјан Јосифоски.
Само во текот на вчерашниот ден полициските службеници презеле 21 мерка со кои биле санкционирани непрописно, односно погрешно паркираните возила, претежно во централното градско подрачје.
ас
