Волонтери од Социо-културен центар бараат средба со градоначалникот Касами откако добиле известување дека треба да ги напуштат просториите познати како поранешно Радио Тетово. Тие добиле известување од општината со кое од нив се бара да го ослободат просторот на 30 октомври, а тие бараат средба пред тој датум.
-Ние не сме узурпатори, ние сме волонтери, кои сами го ревитализиравме и одржувавме овој простор четири години. Сакаме да се најде решение за проблемот и да продолжат со работа како и досега. Ние не сме подготвени да го напуштиме просторот. Со години инвестиравме не само финансиски туку и доброволно со нашите напори за овој простор да биде отворен за сите. Ние не сме здружение, како што не нарече градоначалникот Касами, ние сме волонтери кои управуваат со простор на заедницата за сите граѓани. Сите организации и поединци го користат просторот кои сами го одржуваме и управуваме и сакаме да продолжи и понатаму“, нагласуваат во соопштението од Социо-културниот центар Тетово.
Претставниците на Социо културен центар му се обратиле на градоначалникот Касами преку е-пошта.
Просториите кои ги користи Социо-културниот центар во Тетово се познати како зграда во која функционираше поранешното Радио Тетово, сега сопственост на општината. Општина Тетово во известувањето ги информира претставниците на Центарот дека има определено Одделение за култура и спорт да ги координира активности на невладини организации за да се користи објектот на Радио Тетово.
ас
