Општинската организација на Црвен крст Тетово денес во рамки на одбележувањето на месецот на борбата против зависности организираше кампањски активности.
Младите лица од спортските клубови делеа флаери на кои беа напишани ризиците од зависности како што се наркотични средства, никотински производи и алкохолот.
-Месецот за борба против зависност е под мотото „Информирај се и донеси одлука“. На минувачите на градскиот плоштад и низ градските улици, како и во училиштата волонтери на Црвен крст и спортските клубови ФК Тетекс, ФК Партизан Брвеница, ФК Фит Кид, карате клуб Тигар и ММА клуб Тетово дела флаери за ризиците од зависности со цел, младите лица да не потпаѓаат под искушенија за користење на овие супстанции, информираа од Црвен крст Тетово.