На почетокот на второто полугодие градоначалникот на Тетово Биљал Касами порача дека е направено реновирање и со тоа целосна трансформација на средното медицинско училиште „Никола Штејн“. Од летниот распуст и сега со завршување на зимскиот, се направени сите работи со кои има нов лик во внатрешноста на школскиот објект.
-Трансформацијата на училиштето започна со 12 едукативни слики во училишните ходници, бојадисување на училиштето, нови врати, сите 42 училници комплетирани со проектор, лаптоп и завеси, 870 м2 поплочени површини, 112 скали со едукативни натписи, поместени шест кабинети, четири кабинети опремени со потребните алатки, комплетен кабинет за физиотерапија, комплетирање на информативниот кабинет со 30 компјутери, снабдување на библиотеката со 250 книги, изјави Касами.
Од училиштето информираа дека ќе учествуваат на Еразмус + програма за размена на искуства.
ас
