Заврши реконструкцијата на улицата „Мирче Ацев“ и еден крак од улицата „Јордан Златановски во Тетово по што денес градоначалникот Биљал Касами симболично со пресекување на црвена лента ги пушти во употреба.
Реконструкцијата започна на 26 мај, а поставени се девет илјади квадратни метри асфалт на должина од 900 метри.
-Денес сме среќни што продолжуваме со асфалтирање на патната мрежа. Денес сме тука во центарот во срцето на градот, каде што ги пуштаме во употреба улиците „Мирче Ацев“ и „Јордан Златановски“ едни до главните артерии на градот Тетово со што ќе се олесни движењето на граѓаните не само тука туку и на целиот град, имајќи предвид дека се работи за централно градско подрачје. Исто така е санирана и канализациска мрежа, атмосферската канализација со што проблемите што постоеја цело време тука со врнежите, каде што имаше поплави веќе нема да бидат проблем понатаму, изјави Касами.
На новинарско прашање зошто само еден дел од „Јордан Златановски“ се реконструира Касами најави останатата должина од улицата ќе се реконструира во иднина.
– Тоа беше најкритичен дел во моментот. Ние и понатаму со програмата во следните денови, во следните години ќе продолжиме и во другите делови, рече Касами.
Улицата „Мирче Ацев“ се протега од кружниот тек кај стадионот па до улицата „Никола Тесла“ во близина на поштата.
ас