Далибор Ѓорѓевски од Тетово патуваше над 150 километри да однесе хуманитарна помош за семејство во Секулица, Кратово
Објавената сторија за семејството Николовски од Секулица, Кратово, и нивниот тежок живот најчесто без храна во текот на денот, го поттикна младиот 32 годишен Далибор Ѓорѓевски од Тетово да им помогне. Со помош на уште неколку другари од маалото Два бреста набавиле поголема количина храна и облека. Денес Далибор ја однесе помошта за семејството Марио, Кети и Лука.
Кети во сторијата зборуваше дека никогаш во животот не пробала смоки и кифла од продавница, како и дека другарчињата секој ден и се потсмеваат.