Во Општина Тетово се гласа на вкупно 117 избирачки места, а до 9 часот во Општина Тетово гласале 2301 човек, или 3,2 отсто од вкупниот број на 86.405 гласачи. Денес е прв круг од гласањето за избор на претседател на државата.
„Според податоци од 117 избирачки места гласале 2301 гласач или кажано во проценти 3,2 отсто. Процесот се одвива како што треба, нема пријавено проблеми. Се јавуваат технички проблеми со уредите, но интервенираме веднаш со луѓето од ИТ, информираше Назми Даути од ОИК Тетово.
Излезноста на гласачите до 9 часот во Општина Теарце е 2,35 отсто, во Општина Боговиње 1,54%, во Општина Брвеница 3,10 %, во Општина Желино 1,65 отсто и во Општина Јегуновце 3,35 отсто од вкупниот број гласачи.