Почетокот на годината, заклучно со 20 март СВР Тетово бележи 300 лица кои биле откриени дека возат без претходно положен возачки испит и валидна дозвола. Во 30 случаи тоа биле малолетници, покажуваат податоците на сообраќајната полиција.
СВР Тетово вчера и во понеделникот информираше дека токму малолетници се тешко повредени во два случаи при излетување со возило и четирицикл.
„Секторот за внатрешни работи Тетово со апел до возачите да не седнуваат зад управувачот беа возачки дозволи, не само кога станува збор за патнички или товарни возила, туку и мотоцикли кои во наредниот период ќе бидат се побројни на тетовските и гостиварските улици. Зашто, ќе се засилат планираните контроли и ќе се санкционираат сите оние кои без положен испит учествуваат во сообраќајот на тетовско-гостиварското подрачје“, информира Марјан Јосифоски, портпарол на СВР Тетово.
Покрај предвидените поднесоци за овој прекршеок парична глоба е 250 евра во денарска. Според СВР Тетово со толкава глоба ќе се соочат и сопствениците на возилата кои им ги дале да ги управуваат, иако знаеле дека не го положиле теоретскиот и практичниот дел од возачкиот испит.
ас