Претседателот на Партијата за целосна еманципација на Ромите (ПЦЕР) Самка Ибраимовски на прес-конфренција објави дека самиот видел како се поткупуваат граѓани Роми да гласаат за некои од другите партии на вонредните избори за Совет на Тетово на 20 август. Тој рече дека и покрај ваквите состојби ПЦЕР успеа да освои речиси 400 гласови.
-Им порачувам на политичките партии кои беа на локалните избори, мислам дека ова е последен пат што ќе можат да направат ваков хаос во pомската заедница. Морам да кажам дека јас лично со мои очи видов како симпатизер од една политичка партија, нема да ја именувам, пошто сум многу покултурен од нив, како дава пари на член на ромската етничка заедница. Лично видов со мои очи, значи не може да ме убеди никој дека немало поткуп. Цената се движела од 20 евра до 50 евра во зависност од притисок односно однесувањето на човекот кој треба да гласа за таа политичка опција. 400 гласа за нас се одлични при борба со шест парламентарни партии кои се во Тетово и со огромен број на пратеници, изјави Самка Ибраимовски.
Претседателот на ПЦЕР рече дека се соочил и со тие граѓани кои земале поткуп.
-Јас ги прашувам, тие ми одговараат-тоа е мој личен интерес. А не разбира дека така се како тоалетна харија, ги користата еднаш и ги фрлаат. Се додека вакви работи се додека доаѓаа во ромските маала, вака ќе биде во државата. Да ги оставите Ромтие да самите да си го трасираат патот. Јас не одев од куќа до куќа, како што дојдоа од министри и пратеници и ние оставивме на свеста на граѓаните.Немојте да ме допирате по град и да ме прашувате до кога вака. Еве ви шанса да ја исправите таа грешка, меѓутоа граѓаните на Тетово пак одбраа таа страна, до сега се жалеа од нив, нека им служи на честа и на граѓаните, порача Ибраимовски.
Според него ПЦЕР добила 371 гласа и имало околу 30 неважечки ливчиња, а според нивната евиденција 785 Роми биле изелени на гласање.
ас
