Иако минатата година беше ветено дека во 2022 ќе се работи на реконструкција на автопатот Тетово-Гостивар односно изградба и на нов автопат, министерот за транспорт и врски денеска со ново ветување но и оправдување зошто се доцни. Не се успеало да се најде надзорна компанија.
-Имаше распишано постапка за избор на консултантска куќа и надзорен орган по што беше избрана и компанија која што ќе ги врши консултантските услуги, но поради тоа што не беше доставена банкарска гаранција од страна на таа компанија во дадениот рок, таа постапка беше запрена и е распишана повторно нова постапка за избор на консултант и надзор којшто ќе ја следи градбата од самиот почеток до крајот на Коридорот 8 и Коридорот 10, рече денеска министерот Благој Бочварски од Камењане каде беше по повод завршување со реконструкција на водовод.
Во јануари 2021 година по средба со тогашната градоначалничка на Тетово, Теута Арифи, министерот Бочварски најави дека ќе се работи физибилити студија за изградба на нов автопат од Гостивар до Тетово, а наредната 2022 година и работа на терен.
Ново ветување има и за единственот неасфалтиран пат во Тетовско до селото Луковица за каде Бочварски вели дека очекува скорешна координација Општина Желино.
-Локалните патишта како приоритет и до нас ги доставуваат локалните самоуправи. Ние очекуваме да во наредниот период во координација со општина Желино да ги утврдат конечно приоритетите согласно средствата коишто ги имаме на располагање за оваа општина и потоа да влеземе во постапка на тендерирње и избор на изведувач за приоритетите коишто ги даваат од страна на општина Желино, истакна Бочварски.
