Од 1 јануари до 30 декември денеска Територијалната противпожарна единица Тетово има вкупно 660 интервенции, сублимираат од оваа служба за работата во текот на 2022 година.
-Завршуваме година полна со предизвици и тешкотии во остварувањето на нашата професија како пожарникари. Во текот на оваа година што ја оставаме зад себе имаше 660 интервенции кои беа пожари во разни објекти и на отворено, технички интервенции, интервенирање и дејствување на сообраќајни незгоди и разни други инциденти. Во овој период бевме активни и подготвени 24 часа да бидеме блиску до нашите граѓани, изјави командантот Авни Амети.
Според него добро е што во текот на годината имало набавка на опрема за противпожарна заштита.
-По успешната соработка со УНДП, успеавме како донација да се снабдиме со теренско возило, комбе кое ќе служи за интервенции во сообраќајни несреќи, друга колективна и лична опрема за противпожарна заштита и електронска опрема за канцеларијата. Од еден наш сонародник кој живее и работи во Швајцарија, ни се снабдени два пара моторизирани ескалатори. Од Дирекцијата за заштита и спасување снабдени сме со теренско возило кое многу помага во гаснењето на пожари на тежок терен. Имавме и помали донации од поединци и различни компании, кои се голема помош за нашата единица, вели Амети.
Тој потсети дека во текот на оваа година пожарникарите биле на бројни обуки, а нивни лиценцирани инструктори обезбедиле професионална обука за новопримените пожарникари. Во 2022 тетовските пожарникари добија и зголемување на платите врз основа на законот за пожарникари, а имаат подобри услови за работа и престојот на пожарникарите во станицата.
ас
