Во текот на минатата година полициските службеници на СВР Тетово откриле и соодветно санкционирале вкупно 28.533 различни видови сообраќајни прекршоци (ТЕ-19.707 и ГВ-8826) или 1838 повеќе во споредба со претходната 2022 година.
Во овој период, а поради констатирани прекршоци, односно пропусти и недостатоци, од сообраќај се исклучени 8257 возачи (ТЕ-2790 и ГВ-5467), како и 1113 возила (ТЕ-653 и ГВ-478).Значителен број од исклучените возачи 1099 (ТЕ-564 и ГВ-535) биле поради тоа што ги управувале нивните возила под дејство на алкохол.
Лани, исто така, биле санкционирани и 3998 возачи (ТЕ-2961 и ГВ-937) кои ја пречекориле максимално дозволената брзина во и надвор од населено место, меѓу кои не мал број од нив и за над 50 и 70 километри на час, посебно на автопатот Гостивар-Тетово-Скопје.
-Секторот за внатрешни работи Тетово со несмален интензитет и годинава продолжува со контролни активности во чие средиште се брзината, управувањето под дејство на алкохол, недавање предност на пешаци, непрописно престигнување и друго. Целта е навреме да се откријат и отстранат од сообраќај технички неисправните возила, пребрзите возачи и оние кои непрописно престигнуваат или ги управуваат возилата без положен возачи испит или под дејство на алкохол, информира Марјан Јосифоски, портпарол на СВР Тетово.
![](https://tetovoinfo.mk/wp-content/uploads/2020/02/Марјан-Ј-20200212_130322-e1581522218410.jpg)
Во 2023 година имало 856 сообраќајни несреќи на тетовско подрачје,а едно лице го има загубено животот.
Во 2023 имало повеќе сообраќајки во споредба со 2022, но помалку човечки жртви