Тетовчанката Елизабета Анастасова минатата недела со своето куче-милениче спасувала „жива“ глава со трчање бегајќи од глутница бездомни кучиња кај плоштадот. Таа вели дека секојдневно се плаши да се излезе од дома со миленичето, а оваа случка и предизвикала голем шок.
-Почнаа да трчаат три големи кучиња кај плоштадот, сум бегала и сум викала од страв, не знаев дали ќе останам жива. За две минути ќе ме снемаше. Среќа побегнав, се тресев и плачев од шок уште 24 часа кога размислува што сè може да ми се случи, раскажува Елизабета.
Таа вели дека крајно време е да се најде решение од општината за овој проблем. Како за неа и за другите жителите на Тетово, особено со мали миленичиња, излегувањето од дома за неопходната прошетка претставува голема опасност по здравјето и животот.
-Јас сум една недела во шок, тоа беше страшно. Година и половина се мачам да излезам со кучето милениче да го прошетам, опасност има насекаде низ градов да не нападнат бездомни кучиња и да не искааат и мене и кученцето. Тоа е раса бушон, мало куче, многу мирно. За тоа што имаат правилник за штета, тоа е не решение. Треба да се најде начин да се тргнат бездомните кучиња од улица. На секого па и на мене помил ми е животот и здравјето отколку парите. Многу сум разочарана и уплашена, ни вели Елизабета.
Дека тетовци мака мачат со кучињата скитници говорат и бројките. Од 1 јануари до денес само во СВР Тетово има 40 пријави на граѓани кои побарале да се евидентира дека биле повредени поради напади од бездомни кучиња.
Општина Тетово оформи правилник со цел да се спогоди за штета со граѓаните доколку бидат повредени од каснување од куче скитник.
-Досега поднесени се 32 барања за надоместок на штета предизвикана од каснување на бездомни кучиња. Комплетно разгледани се шест барања, од кои три се основани односно истите се одобрени. За останатите три, Комисијата бара да се дополнат за повторно разгледување, информираше Милена Вучевска, портпарол на Општината, додвајќи дека поени и висина на оштета се интерни информации.
Од друга страна, во меѓувреме овој правилник пред Уставен суд го оспори тетовски адвокат. Тој оспорува што има нееднакви критериумите за утврдување на висината на надоместокот на штета предизвикана од куче бездомник.
ас