Свештениците од Тетовското намесништво при Македонската Православна Црква (МПЦ-ОА) од денеска ќе имаат на располагање нови административни простории откако беше реновиран објект во непосредна близина на црквата Пресвета Богородица. Објектот во употреба е пуштен со благослов на митрополитот Тетовско-гостиварски г. Јосиф кој вчера изврши и осветување на овој објект.
-Митрополитот во сослужение на намесникот протоереј-ставрофор Мирко Станковски, старешината протоереј-ставрофор Томислав Јосифовски, ереј Велјанчо Огненовски, ереј Трпе Богоевски, ереј Илија Сламков и ѓакон Илија Деспотовски изврши осветување на новата административна зграда и административните простории. Воедно владиката на црковниот одбор при храмот и на ктиторите им додели благодарници и им заблагодари за ова богоугодно дело, информираат од Тетовско-гостиварската епархија.
По потреба дел од објектот ќе може да користи и како парохиска куќа за сместување на свештениците.
ас